Пред неколку години Германија ги олесна критериумите за работниците од Балканот, но поради коронакризата тоа по се изгледа ќе замре.
Единствена добра вест е дека иселувањето од Македонија ќе се намали!
Според последните измени, на балканските гастербајтери – градежни работници, медицински сестри, готвачи, келнери и други, би можело во иднина да им биде многу потешко да најдат работа во Германија.
Поради растечката невработеност предизвикана од коронакризата владејачката германска ЦДУ/ЦСУ има намера да ја намали натамошната имиграција на работната сила врз основа на одлуката од 2016 година за олеснувања за граѓаните од Западен Балкан.
Двете работни групи на владејачките фракции се усогласија олеснувањата, кои истекуваат на крајот на годината, да ги продолжат за уште две години, но и околу намалувањето на можноста неквалификувана сила да може да ги користи, пишува германскиот весник „Велт ам Зонтаг“.
Правилото за работници од Западен Балкан е воведено пред пет години, откако властите ги наведоа земјите од Западен Балкан како „безбедни земји на потекло“ со намера да се намали масовната имиграција преку системот на азил.
Иако германската влада првично имала намера да ја продолжи оваа регулатива без многу дискусии, пандемијата и економијата во рецесија влијаше врз некои од демохристијаните на Ангела Меркел да се спротивстават на тоа многу погласно.
Затоа балканските гастербајтери – градежни работници, медицински сестри, готвачи, келнери и други, би можело во иднина да им биде многу потешко да најдат работа во Германија.